Es dat all schleiht, wat et Corona us do aandeït?

Lewen en Corona-Tieden

Von Judith Schreiber

Et Corona-Virus es do on hät us faste em Griëp. Wat mag et sech wall derbeï gedaiht hann, datt et üöwer de ganze Erd treckt on en Masse Lütt malad sind?

Üöwerall, wo bes vür korter Tiet völl Lewen on Kürmel wor, do es et nu müßkesstell. De Schulen, de Universitäten, de Kengergärdes - alles es tuo. De Scheffe stonnt em Hafen, on de Fliëger mötten op der Erd bliewen. Ouch können wer met usen liëwen Nohbern on met den Fröngen nit mieh beneïn setten, nen Totter haulen on eïnen picheln. Et blitt us nix angersch üöwer, äs met der Fott Teheïm te bliewen.

Äwwer es dat all schleiht, wat et Corona us do aandeït? Minne Schulmeïster hät ens gesaiht: „Keïn Oglöck es su grut, datt et nit ouch hät en Spierken Glöck em Schut!“ Wenn ech nu nau hen kiek, dann senn ech et ouch: et löppt wiëder alles röüheger. Beïm Egeilen erlefft man de Lütt fröngklecher, on wenn et nit grad öm Hüskespapier geïht, wiërd Röcksecht wiër grut geschriëwen!

De Nohbern em Hus frogen, off se us Wenkelsware metbrengen sallen, on de Jongen sorgen sech öm us Aulen. Et es wohrlech en Freud, wemmen süht, datt de Äulern wiër Tiet für ehr Kenger hant. De Blagen tummeln sech em Bosch eröm, bouen kleïn Buden, se quasen em Water, maken sech schmereg on hant su tedüöges Freud terbutten. Angern donnt et te Fuot udder mem Vlizepee met ehren Stüppkern durch de Begeende on hant su ouch noch völl Freud an dem schönen Früöhjorschweder.

Op dem Trottewar süht men noch ens gemolte Käßker on de Kenger derbennen eröm höppen. Dat deït eïnem guot en der Siil, on men denkt an de eïgen Kengertiet teröck. De Lütt öm us eröm begeenen eïnem met völl Liëfde – off an der Quaselstrippe, em Internet udder vawiedem op der Stroote, wenn se eïnem trüüstende on herzleche Wöört entgeen ruopen.

Lickersch sind wer, aplatz völl Gedüöns te maken, nen staatsen Pill nöhrder aneïn geröckt.

Das könnte Sie auch interessieren

Unsere News per Mail

Nach der Registrierung erhalten Sie eine E-Mail mit einem Bestätigungslink. Erst mit Anklicken dieses Links ist die Anmeldung abgeschlossen. Ihre Einwilligung zum Erhalt des Newsletters können Sie jederzeit über einen Link am Ende jeder E-Mail widerrufen.

Die mit Stern (*) markierten Felder sind Pflichtfelder.

Kommentare