Klärchen weït guot derdrüöwer Bescheïd

Apropo Konden on Kengergarden. . . Archivfoto: Roland Keusch
+
Apropo Konden on Kengergarden. . . Archivfoto: Roland Keusch

Wat es eïntlech Liëfde?

Von Andreas Erdmann

„Hm, wat es eïntlech Liëfde?“, su frohden sech döser Daag user kleïn Klärchen. Dat foufjöhrege Weïhtschen daiht noh, prakesierden en Tiet lang on derdrop verklörden et us: „Liëfde – jo Liëfde, dat es tem Beïspell, wenn Mamma on Pappa sech bützen donnt.

Sun Bützen kann höösch on stell vastatten gonn, udder et gött – wie beï den tweien - nen lauten Knall op der Mull. Nee, dat süht er vleïhts ekeleg ut, wenn Mamma on Pappa sech bützen! Liëfde es ouch, wenn de Muoder dem Vader ne Koffie mackt on ih, datt se em den Koffie brengt, emmer stickum selwer nen Schlock ut dem Köppken nemmt. Dat mackt se wall, weïl se prüöwen well, op de Koffie ouch guot schmackt.

Liëfde kammen sech ouch beï Omma on Oppa besenn. Äs de Omma et büs es den Kniën kriëg, koun se sech nit mieh böcken on sech drömswegen ouch nit mieh selwer de Fuotneel amolen. Van do aan molden der Oppa der Omma emmer de Fuotneel aan. On he gof sech derbeï su rechteg völl Müöh.

On der Oppa molden der Omma sugar de Fuotneel aan, äs he et selwer büs es den Kniën kriëg. Su jet es wohre Liëfde! Äwwer Liëfde es ouch, wenn ech für nen Konden em Kengergarden sag: „Ou, du häss äwwer en coole Böxe aan!“ On wenn he dann weekelang emmer en der selwen coolen Böxe erömschlappt.

Apropo Konden on Kengergarden. . . Ech mag jo den Jerremie-Kevin em Kengergarden guot lieden, äwwer ech wüörd em nie on nömmer sagen, dat ech en liëf hann. Denn der Jerremie-Kevin es jo minnen besten Fröngk.

On et wör büs schlemm, wenn he mer sagen wüörd, datt he hätt mech nu nit liëf hätt. Äwwer ech denk mer doch, datt he mech liëf hät. Söss wüörd he mer jo keïn Geheïmnesse avertrouen. Tem Beïpell hät der Jerremie-Kevin mer tuogeflöstert, datt he em Suomer met sinner Omma nom Legoland fährt. Udder datt he sinnem Ühm Ulli emmer ens wïer heïmlech en Schnappspralinn ut dem Pralinnenglass op der Aanreïhte wegschnabeliert.

Das könnte Sie auch interessieren

Meistgelesen

Kripo-Chef sieht Solingen als eine Hauptwirkungsstätte krimineller Familienclans
Kripo-Chef sieht Solingen als eine Hauptwirkungsstätte krimineller Familienclans
Kripo-Chef sieht Solingen als eine Hauptwirkungsstätte krimineller Familienclans
Corona: Solingen weiter mit landesweit höchsten Wert - Impfaktion wird wiederholt
Corona: Solingen weiter mit landesweit höchsten Wert - Impfaktion wird wiederholt
Corona: Solingen weiter mit landesweit höchsten Wert - Impfaktion wird wiederholt
City 2030 bekommt durch Landesmittel einen Schub
City 2030 bekommt durch Landesmittel einen Schub
City 2030 bekommt durch Landesmittel einen Schub
Verkehrsunfall in Ohligs: Polizei sucht Zeugen
Verkehrsunfall in Ohligs: Polizei sucht Zeugen
Verkehrsunfall in Ohligs: Polizei sucht Zeugen

Unsere News per Mail

Nach der Registrierung erhalten Sie eine E-Mail mit einem Bestätigungslink. Erst mit Anklicken dieses Links ist die Anmeldung abgeschlossen. Ihre Einwilligung zum Erhalt des Newsletters können Sie jederzeit über einen Link am Ende jeder E-Mail widerrufen.

Die mit Stern (*) markierten Felder sind Pflichtfelder.

Kommentare