Haat ehr, liëf Leser, alt nen Empftermin?

Et Empfen

Von Kurt Picard

Nu hann ech en den letzten vier Weeken em Schluffekino su völl van der Empfereï gesenn, datt ech glöüf, ech köün dat ouch ens probieren. En allen Empfereï-Sendengen kannßte de Döktersch, Söstern on Pfleger senn, wie se sech am Owerarm van den Lüden tegang maken.

Äs wenn die Lütt, die sech do su nen Arm vürnehmen, keïnen grötteren Vermaak hädden. Klor, ouch de Portegrafen vam Ti-Vi. Nee, wat hann ech do alt für Armen gesenn: Van Jongen on Aulen, Decken on Dönnen, Weïhtern on Konden, Fraulütt on Keerls, van Lüden met staatsen Muckis on van Lüden, beï dennen men de Hut koum te packen kritt. On dann iersch de Dökters, Sösters on Pfleger: En witter, bloer, grüöner Kleïdaasch, äs Mars-mensch, met Kiëdel, en Böxen on huh gekrempelden Mauen, met witten, bloen, transparenten Höüschen. Dann zeïgen se dir Empflenge ut China, Korea, Afrika, Amerika, Italien on vleïhts Brasilien; et köun äwwer sinn, datt do üöwerhoupt nit geempft wierd. Äs wenn et nit emmer dat selwe wör.

Du kriss alls met: De Dus wierd ut dem Iisfach genohmen, de Verpackengk met der Ampulle opgeriëten, de Dus en de Louht gehaulen; schinns wierd gelurt, off ouch de seß Ratijunen dren sind. De Naul wierd en die Dus gestoken, dann wierd de Spretze „opgetrocken“, su seht men. Dann kloppen se mols mem louther Zeïgefenger an de Spretze, drop sühßte owen an der Spetze van der Naul en paar Dropen erutsprengen.

Nu griepen se den Bizeps, on ih de dech versühß, juschen se dir die Naul en den Lief, su diëp, datt du denkß, nu müöß et doch baul en Eng hann. Ech wonger mech emmer, dat keïn Mensch eïnen Mucks mackt. Bluot sühßte ouch nit, äwwer en Ploster gött et emmer. Wat hann ech äs Kengk geschrouen, wenn de Kengerdokter- sche met der Spretze kuom. „Denk draan,“ saiht de Frau, „vür foffzeg Johren woren de Naulen on Ampullen ouch decker on grötter!“

Mag senn. On ech meïn, et wör ouch emmer Bluot kuomen. Hütt sind de Lütt gedöüleg üöwer gedöüleg. Et es en Wonger. Äwwer et sall ouch Lütt gewen, die van der ganzer Empfereï nix haulen. Derbeï wiëten wer nau, wenn die de Ormsnut kriegen, sind se fruh, datt Döktersch, Söstern, Pfleger en Spretze praat hant. Haat ehr, liëf Leser, alt nen Empftermin udder sidder alt „durch“?

Das könnte Sie auch interessieren

Meistgelesen

Corona: Solingen wieder mit landesweit höchsten Wert - Impfungen in Burg und Südpark
Corona: Solingen wieder mit landesweit höchsten Wert - Impfungen in Burg und Südpark
Corona: Solingen wieder mit landesweit höchsten Wert - Impfungen in Burg und Südpark
Nach dem Hochwasser kehrt der Alltag nicht zurück
Nach dem Hochwasser kehrt der Alltag nicht zurück
Nach dem Hochwasser kehrt der Alltag nicht zurück
Rückkauf der Ohligser Festhalle erntet Zustimmung
Rückkauf der Ohligser Festhalle erntet Zustimmung
Rückkauf der Ohligser Festhalle erntet Zustimmung
Brückensteig: Die Kletterer gehen an den Start
Brückensteig: Die Kletterer gehen an den Start
Brückensteig: Die Kletterer gehen an den Start

Unsere News per Mail

Nach der Registrierung erhalten Sie eine E-Mail mit einem Bestätigungslink. Erst mit Anklicken dieses Links ist die Anmeldung abgeschlossen. Ihre Einwilligung zum Erhalt des Newsletters können Sie jederzeit über einen Link am Ende jeder E-Mail widerrufen.

Die mit Stern (*) markierten Felder sind Pflichtfelder.

Kommentare