„Hüör ens, minne liëwe Stippelskonden, hässte met dem Pietersch Päuler ouch bekallt, wann die ferdeg sinn mötten? Dat mötten wer wiëten, nit, datt wer üöwerm Weekeneng noch ens der Riëmen drop schmieten mötten für de Driet-Kullenmetzer vam Päuler!“ „Es guot, liëwen Drickes, ech wor ens hengen beïm Päuler en der Reïderstuowen. De meïnden doch werhafteg für mech, dat he se am Liëwsten gestern affholen dätt. Äwwer wenn et ewen sinn mott, köün he ouch am Friedag noch ens derlanges kuomen. Sinne eïgene Liëwertermin für die ferdegen Metzer es der vierde Junni.“ „Donnerkill noch ens, dat wör jo alt nächste Weeke! Wie hät de sech dat dann su vürgestault?“ „Wer hant jo vürher ouch noch jet angersch te donn. De Brutmetzer für den Kraus’ Kaarl mötten noch an der Wate geschliëpen werden – on dat nau su, wie ech et dir gezeïgt hann. On nit su draanen gonn wie der Ferkes Wellm!

Du bruckß derbeï en secher Fuohl, wenn die guot werden sallen. Jong, on du häss hütt noch de ganze Dag am naten Steïn te donn. Do mottßte dech dann büs tegang haulen, do hant wer keïn Tiet für anger Fisematenten! Bösste dir do drüöwer em Kloren? Och Jong, weïßte wat, lot alles stonn on liëgen on mak teriersch dem Pietersch Päuler sin Kullenmetzer praat. Ech hölp dir ouch derbeï. Den Päuler sinn ech jo hütt owend beï den Wupperhofern, do mott ech em büs de Ührker lang trecken.“

„Hüor ens, Drickes, minne liëwste on beste Schlieper vam Solig, ech hann wall den verkiehrden Brell op der Nasen gehatt. Minne Liëwertermin für de ferdegen Kullenmetzer es nit der vierde Junni, et es der vierde Julli!“